de Catorce

Xardín estraño de vermellas flores.
Sorriso fresco de alboradas rosas.
Luz de lúa branca en noites fermosas.
Aloumiño verde que alivia as dores.

Marmelo doce de tódalas cores.
Paixóns florecidas, viñas frondosas.
Vento do norte de pedras preciosas.
Recendo do mar, sublimes sabores.

Oda que canta os praceres da vida.
Bela poesía que invita a gozar.
Soño que soña na praia esquecida.

Máxico tempo do verbo enmeigar.
Moura é a herba que crece escondida.
Sabia receita os teus ollos ollar.

Ulises C.